Fredensborg og Omegns Brugsforening yvirtekur Føroya Keypssamtøku

Kappingareftirlitið fekk tann 11. november 2024 fráboðan um at Fredensborg og Omegns Brugsforening(FOB) yvirtekur Føroya Keypssamtøku (FK).

Yvirtøkan kemur undir samanleggingarhugtakið í §13, stk. 1, nr. 2, tá ið ein ella fleiri fyritøkur við keypi av pørtum ella ognum gjøgnum avtalu ella á annan hátt fáa beinleiðis ella óbeinleiðis ræði á allari ella pørtum av einari ella fleiri fyritøkum afturat.

FOB er ein keypssamtøka, ið er limur í Coop a.m.b.a. FOB hevur virksemi innan smásølu av gerandisvørum í Danmark. FOB eigur og rekur eina keypssamtøku í Fredensborg kommunu. FOB hevur onki virksemi í Føroyum.

Føroya Keypssamtøka (FK) er ein keypssamtøka,  ið er limur í Coop a.m.b.a. FK hevur virksemi innan smásølu av gerandisvørum í Føroyum. FK eigur og rekur seks FK handlar, ið liggja í Tórshavn, Hoyvík, Klaksvík, Fuglafjørður, Miðvágur og Suðuroy.

Møguligar viðmerkingar til yvirtøkuna skulu vera Kappingareftirlitinum í hendi í seinasta lagi mánadagin tann 22. november 2024.

Samskiftið við Kappingareftirlitið er í trúnaði.

Viðmerkingar kunnu sendast til:

Kappingareftirlitið
Postboks 73
FO-110 Tórshavn
Ella umvegis t-post á: kapping@kapping.fo